وفاقی وزیر داخلہ چوہدری نثار کہتے ہیں اُن کے بارے میں تاثر ہے وہ بہت سخت ہیں، لیکن ایسا ہرگز نہیں، میڈیا مثبت تنقید سے رہنمائی کرے۔ خامیوں کی نشاندہی کے ساتھ اچھے کاموں کی حوصلہ افزائی کی جانی چاہے۔
اسلام آباد پولیس لائنز میں پاسنگ آؤٹ پریڈ سے خطاب کرتے ہوئے وزیر داخلہ چوہدری نثار علی خان نے کہا ہے کہ گزشتہ تین برسوں کے دوران ملک میں سکیورٹی کی مجموعی صورتحال میں بہتری آئی ہے۔ دہشت گردی کے واقعات میں نمایاں کمی آئی ہے جس کا سہرا ملک کی سکیورٹی فورسز اور اورخفیہ اداروں کے سر ہے۔
انہوں نے مزید کہا کہ اسلام آباد کو جرائم سے پاک شہر بنایا جائے گا جس کے لئے پولیس اہلکاروں کو اہم کردار ادا کرنا ہوگا۔
وزیرداخلہ نے کہا کہ پولیس کے محکمے میں میرٹ کی بنیاد پر بھرتیاں کی جارہی ہیں انہوں نے سریع الحرکت فورس میں بھرتی کے لئے بھی اس عمل کویقینی بنانے کا عزم ظاہر کیا۔
اسلام آباد میں 480 نئے ریکروٹس کی پاسنگ آؤٹ پریڈ کی تقریب کا انعقاد کے موقع پر آئی جی اسلام آباد طارق مسعود نےوفاقی وزیر داخلہ چوہدری نثار کو اعزازی شیلڈز بھی پیش کی جب کہ وفاقی وزیر نے چین کی جانب سے دی گئی گاڑیوں کی چابیاں اسلام آباد پولیس،ایف سی اور ایف آئی اے حکام میں تقسیم کیں۔
فرمان الہی
نماز کے اوقات
