• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آڈیو لیکس: پی ٹی آئی نے تحقیقات کیلئے سپریم کورٹ میں درخواست دائر کردی

تازہ ترین
قومی خبریں
01 اکتوبر ، 2022
فائل فوٹو
فائل فوٹو

پاکستان تحریک انصاف (پی ٹی آئی) نے آڈیو لیکس کی تحقیقات کے لیے سپریم کورٹ میں درخواست دائر کر دی۔

درخواست کے ساتھ مبینہ آڈیو لیکس کی ٹرانسکرپٹ بھی لگائی گئی ہے، درخواست میں اسپیکر قومی اسمبلی اور دیگر ممبران کو فریق بنایا گیا ہے۔

درخواست میں استدعا کی گئی ہے کہ آڈیو لیکس کی انکوائری کر کے شہباز شریف، کابینہ کے خلاف کریمنل ایکٹ کے تحت کارروائی کی جائے، تحریک انصاف کے ارکان قومی اسمبلی کے استعفے پلاننگ سے منظور نہیں کیے گئے۔

پی ٹی آئی نے درخواست میں مؤقف اپنایا ہے کہ آڈیو لیکس میں موجودہ حکومت کی بدنیتی واضح ہے، شہباز شریف اور دیگر وزراء نے اپنے حلف کی خلاف ورزی کی ہے، شہباز شریف، رانا ثناء اللّٰہ، اعظم تارڑ ، ایاز صادق کے خلاف فوجداری کارروائی ہونی چاہیے۔

سائفر پر عمران خان اور ان کی ٹیم کی ایک اور آڈیو سامنے آ گئی

چیئرمین پی ٹی آئی، سابق وزیرِ اعظم عمران خان اور ان کی ٹیم کی سائفر سے متعلق ایک اور آڈیو منظرِ عام پر آ گئی۔

درخواست میں کہا گیا ہے کہ استعفوں کی مرحلہ وار منظوری سے متعلق زیر التوا کیس کے ساتھ یہ درخواست منسلک کی جائے۔

انکوائری کمیشن وزیرِ اعظم شہباز شریف اور وزیر داخلہ رانا ثناء اللّٰہ سے انکوائری کرے، اعظم تارڑ، خواجہ آصف، احسن اقبال، ایاز صادق، اسپیکر قومی اسمبلی سے بھی انکوائری کی جائے، آڈیو لیکس میں درخواست گزار کو سیاست سے دور رکھنے کے لیے سازش کی گئی، ان آڈیو لیکس میں ایک مجرمانہ سازش کے تحت درخواست گزار کو ٹارگٹ کیا گیا۔

پی ٹی آئی نے یہ مؤقف بھی اپنایا ہے کہ حکومتی وزراء نے سازش اسپیکر اور قومی اسمبلی کے سیکریٹری کے تعاون سے تیار کی، آڈیو لیکس کو وزیرِ اعظم اور وزیر داخلہ تسلیم کر چکے ہیں، نئی صورت حال پیدا ہونے سے قبل عدالت سے استدعا ہے کہ جوڈیشل نوٹس لے۔

قومی خبریں سے مزید