فرمان الہی
نماز کے اوقات
حکومت پاکستان نے بھارت سے پاکستان آ کر شادی کرنے والی خاتون سربجیت کور کی ملک بدری روک دی۔
سربجیت کور نے اسلام قبول کر کے اپنا نام نور فاطمہ رکھ لیا ہے اور اسے دارالامان سے اس کے شوہر ناصر حسین کے گھر پہنچا دیا گیا۔
بھارتی خاتون کا کہنا ہے کہ وہ اپنے فیصلے پر مطمٔن ہے اور باقی زندگی ہنسی خوشی پاکستان میں ہی گزاریں گی۔
نور فاطمہ نے اپنے شوہر ناصر حسین کے ہمراہ اپنے وکیل کے چیمبر میں میڈیا سے گفتگو میں کہا کہ وہ بہت خوش ہیں، ہاتھوں پر مہندی سجائے اُن کا کہنا تھا کہ 8 سال محبت کی، یقین تھا کہ ایک دن ضرور ملیں گے، بوڑھی بھی ہو جاتی تو بھی پاکستان ضرور آتی۔
بھارتی خاتون کا کہنا تھا کہ پاکستانی اداروں نے اچھا سلوک کیا، کوئی شکوہ نہیں۔
واضح رہے کہ سربجیت کور بھارتی پنجاب کے ضلع کپور تھلہ کی رہائشی ہے، نومبر 2025 میں گورو نانک دیو جی کی 556 ویں جنم سالگرہ کی تقریبات کے سلسلے میں سکھ یاتریوں کے ایک بڑے جتھے کے ساتھ پاکستان آئی تھی۔
سربجیت کور کا ویزہ 13 نومبر 2025 کو ختم ہو گیا تھا لیکن وہ بھارت واپس نہیں گئی۔
پاکستان میں قیام کے دوران اس نے اسلام قبول کیا اور پاکستانی شہری ناصر حسین سے نکاح کرنے کے بعد اپنا نام نور فاطمہ رکھ لیا۔
4 جنوری کو ننکانہ صاحب کے قریب پہرے والی گاؤں سے پولیس نے سربجیت کور اور ان کے شوہر ناصر حسین کو گرفتار کیا اور سربجیت کور کو بھارت ڈی پورٹ کرنے کا فیصلہ کیا گیا تھا۔
