فرمان الہی
نماز کے اوقات
پاکستانی پاسپورٹ اور سفری دستاویزات پر بیرونِ ملک جاتے ہوئے ایک اور ایرانی شہری کو گرفتار کر لیا گیا۔
امیگریشن حکام کے مطابق ملزم محمد اکبر کو کراچی کے جناح انٹرنیشنل ایئر پورٹ سے دبئی جاتے ہوئے پکڑا گیا۔
ایران کے شہر سیستان کے محمد اکبر کو پاکستانی پاسپورٹ اور شناختی کارڈ ایرانی ایجنٹ نے فراہم کیا۔
مذکورہ شخص کو ایرانی ایجنٹ کے ذریعے بارڈر کراس کرایا گیا، جسے سانگھڑ کا رہائشی ظاہر کر کے اس کی دستاویزات بنوائی گئیں۔
ملزم جنوری 2022ء میں پاکستان آیا، جسے ویزے سمیت تمام دستاویزات 3 لاکھ روپے میں فراہم کی گئیں۔
ملزم کے خلاف فارن ایکٹ کے تحت انسدادِ انسانی اسمگلنگ سرکل میں مقدمہ درج کر لیا گیا ہے۔
2 روز قبل کراچی ایئر پورٹ پر فلائٹ سے آف لوڈ 2 ایرانی شہریوں کے خلاف بھی مقدمہ درج کیا گیا تھا۔
عبدالصمد اور عامر علی نامی ایرانی شہری بھی پاکستانی سفری دستاویزات پر شارجہ جا رہے تھے۔
دونوں ایرانیوں کو بلوچستان کے علاقے آواران اور کیچ کا رہائشی بنا کر پاکستانی سفری دستاویزات بنوائی گئیں۔
