یوم اقبال پر عام تعطیل کے اعلان پر ناصرہ جاوید اقبال کا شکوہ

حکومت پاکستان کے یوم اقبال پر عام تعطیل کے اعلان پر جسٹس (ر) ناصرہ جاوید اقبال نے شکوہ کیا ہے۔

ایک بیان میں ناصرہ جاوید اقبال نے کہا کہ حکومت نے لوگوں کو علامہ محمد اقبال کے خیالات سے محروم رکھنے کے لیے عام تعطیل کا اعلان کیا ہے۔

انہوں نے مزید کہا کہ یوم اقبال کے مناسبت سے مجھے 5 تقریبات میں مدعو کیا گیا تھا، جو اب منسوخ ہوگئیں۔

جسٹس (ر) ناصرہ جاوید اقبال نے یہ بھی کہا کہ فکر اقبال سے جڑنے کے بجائے عام تعطیل ہونے کے باعث اب لوگ نہاری اور دہی بھلے کھائیں گے۔