سعودی ولی عہد محمد بن سلمان کا دورہ پاکستان ملتوی

سعودی عرب کے ولی عہد محمد بن سلمان نے پاکستان کا دورہ ملتوی کر دیا۔ دورے کی نئی تاریخ کا اعلان بعد میں ہو گا۔

شہزادہ محمد بن سلمان کو 21 نومبر کو پاکستان کا مختصر دورہ کرنا تھا۔

ذرائع کے مطابق ولی عہد محمد بن سلمان کے دورہ پاکستان کی نئی تاریخ کا اعلان بعد میں کیا جائے گا۔

وزیرِ اعظم شہباز شریف کی سعودی ولی عہد شہزادہ محمد بن سلمان سے ملاقات

وزیرِ اعظم شہباز شریف اور سعودی عرب کے ولی عہد شہزادہ محمد بن سلمان کے درمیان ملاقات ہوئی ہے۔

دوسری جانب ترجمان دفتر خارجہ ممتاز زہرہ بلوچ کا کہنا ہے کہ سعودی ولی عہد محمد بن سلمان کا دورہ پاکستان ری شیڈول کردیا گیا۔

ترجمان دفتر خارجہ کے مطابق سعودی ولی عہد کےدورے کی نئی تاریخ دونوں ملک طے کریں گے۔

اس سے قبل سفارتی ذرائع کا کہنا تھا کہ سعودی ولی عہد کے دورے کے دوران پاکستان کو 4.2 ارب ڈالرز اضافی بیل آؤٹ پیکیج اور سعودی عرب کی پاکستان میں مضبوط سرمایہ کاری متوقع ہے جبکہ متعدد پاک سعودی پیٹرولیم معاہدوں کو آخری شکل دی جا رہی ہے۔

سفارتی ذرائع نے یہ بھی کہا تھا کہ غیر یقینی سیاسی صورتحال میں مزید خرابی سعودی ولی عہد کے دورے میں رکاوٹ پیدا کرسکتی ہے۔