اسلام آباد کے داخلی راستے 26 نومبر کو بند کیے جاسکتے ہیں، آئی جی ناصر خان

آئی جی اسلام آباد ناصر خان نے کہا ہے کہ 26 نومبر کو راولپنڈی سے اسلام آباد کے داخلی رستوں کو بند کیا جاسکتا ہے۔

اسلام آباد میں ناصر خان کی زیر صدارت امن عامہ سے متعلق اجلاس ہوا، جس میں سیاسی جماعت کے متوقع جلسے پر خطرات اور سیکیورٹی صورتحال کا جائزہ لیا گیا۔

عمران خان کا زخمی ٹانگ کے ساتھ لانگ مارچ کی قیادت کرنے کا اعلان

چیئرمین پاکستان تحریک انصاف (پی ٹی آئی) عمران خان نے کہا ہے کہ وہ زخمی ٹاک کے ساتھ لانگ مارچ کی قیادت کریں گے۔

دوران اجلاس آئی جی اسلام آباد نے کہا کہ 26 نومبر کو راولپنڈی سے اسلام آباد کے داخلی راستوں کو بند کیا جاسکتا ہے۔

انہوں نے مزید کہا کہ راستوں کی بندش سے لوگوں کو مشکلات پیش آسکتی ہیں۔

ناصر خان نے یہ بھی کہا کہ اسلام آباد میں کوئی بھی سیاسی سرگرمی قانون کے مطابق اور انتظامیہ کی اجازت سے ہوگی۔

انگلینڈ ٹیم کے دورہ سے پہلے سرچ آپریشن کیا جائے گا، آئی جی اسلام آباد

انگلینڈ کرکٹ ٹیم کے دورہ پاکستان سے متعلق آئی جی اسلام آباد کی زیر صدارت سیکیورٹی اجلاس ہوا۔

ان کا کہنا تھا کہ ریڈ زون کی سیکیورٹی کے لیے پولیس، ایف سی، رینجرز تعینات ہوگی۔

آئی جی اسلام آباد نے کہا کہ دہشت گردی کے خطرات کے پیش نظر ضلع بھر میں سرچ آپریشن کیے جائیں گے۔

انہوں نے کہا کہ ڈیوٹی پر تعینات اہلکاروں کو ڈرونز اور باڈی کیمرے مہیا کردیے گئے ہیں۔