فرمان الہی
نماز کے اوقات
پشاور(نمائندہ جنگ)پشاور کے علاقہ شاہ پور پولیس اسٹیشن کے ایس ایچ او نے شادی کی تقریبات میں خواجہ سراءاوررقاصائوں کو بلانے پر پابندی لگادی ۔ گزشتہ روز ایس ایچ اوتھانہ شاہ پورعبدالعلی نے علاقہ مشران ودیگر افراد کو تھانے بلایا اور ان سے ملاقات کی ۔انہیں بتایا کہ شادی کی تقریبات میں اکثر خواجہ سرائوں یا پھر رقاصائوں کو بلایاجاتا ہے ۔ جن کےناچ گانے کے دوران بعض افراد چرس اور دوسرے نشہ آور چیزیں بھی استعمال کرتے ہیں جس پر اکثرلڑائی جھگڑے ہوتے ہیں اورعلاقہ کا امن خراب ہوتا ہے،شرعی لحاظ سے بھی یہ درست نہیں کہ نکاح یا شادی کی تقریب میں رقص کی ایسی محفل سجائی جائے جس سے علاقہ کے دیگر افرادخصوصا نوجوان اور بچے بھی متاثر ہوتے ہوں۔ایسے رقص کے محفلوں میں اکثر خواجہ سراؤں کو بھی تشدد کا نشانہ بنایاجاتا ہے جوماضی میں ایسے واقعات پیش آچکے ہیں انہوں نے مشران کو ہدایت کی کہ وہ اس پیغام کو پھیلائیں کہ شادی کی تقریبات میں خواجہ سراؤں اوررقاصہ کو بلانے سے پرہیز کیا جائے۔
