پی ٹی آئی کا راولپنڈی میں جلسہ، ٹریفک پلان جاری

پاکستان تحریک انصاف (پی ٹی آئی) کے راولپنڈی میں آج ہونے والے جلسے کے لیے ٹریفک پلان جاری کر دیا گیا۔

ٹریفک پولیس کا کہنا ہے کہ شہری اسلام آباد ایکسپریس وے سے راولپنڈی کے لیے پرانا ایئر پورٹ روڈ استعمال کریں، ایکسپریس وے سے پرانے ایئر پورٹ کی شاہراہ پر یکطرفہ ٹریفک کھلی ہے۔

پولیس کا کہنا ہے کہ فیض آباد مری روڈ راولپنڈی کے داخلی راستے سے بند ہے، آئی جے پی روڈ، مری روڈ اور راولپنڈی کے لیے فیض آباد کے تمام راستے بند ہیں۔

راولپنڈی میں PTI کے جلسے کیلئے مرکزی اسٹیج لگا دیا

پاکستان تحریک انصاف (پی ٹی آئی) نے راولپنڈی جلسے کے لیے مرکزی اسٹیج سکستھ روڈ فلائی اوور لگا دیا۔

ٹریفک پولیس نے کہا کہ 26 نمبر چونگی سے ٹریفک کے لیے شاہراہیں کھلی ہیں، اسلام آباد ایئر پورٹ اور موٹر وے ٹریفک کے لیے کھلا ہے، مری روڈ راولپنڈی کی طرف ٹریفک کے دونوں اطراف کے لیے فیض آباد میں متبادل روٹ ہے۔

پولیس کا یہ بھی کہنا ہے کہ متبادل طور پر ٹریفک کو اسلام آباد ایکسپریس وے کی طرف موڑ دیا گیا ہے، ایکسپریس چوک اور نادرا چوک سے ریڈ زون کے داخلی اور خارجی راستے بند ہیں، متبادل طور پر مارگلہ روڈ اور ایوب چوک کو استعمال کیا جا سکتا ہے، فیض آباد بس ٹرمینل ٹریفک کے لیے بند ہے۔