راولپنڈی: جلسہ گاہ اور اطراف میں موبائل فون سگنلز بند

پاکستان تحریک انصاف (پی ٹی آئی) کے جلسے کے پیش نظر راولپنڈی میں جلسہ گاہ اور اس کے اطراف میں موبائل فون سگنلز بند کردیے گئے ہیں۔

دوسری جانب پاکستان تحریک انصاف (پی ٹی آئی) کے چیئرمین عمران خان زمان پارک لاہور سے راولپنڈی کے لیے روانہ ہو گئے ہیں۔

راولپنڈی میں تحریک انصاف (پی ٹی آئی) کے جلسے سے متعلق پولیس حکام نے پارٹی قیادت کو تحریری طور پر سیکیورٹی ہدایات سے آگاہ کردیا ہے۔

عمران خان لاہور سے راولپنڈی کیلئے روانہ

پاکستان تحریک انصاف (پی ٹی آئی) کے چیئرمین عمران خان روالپنڈی روانگی کےلیےتیار ہو گئے ہیں، نجی چارٹر کمپنی کے طیارے پر اسلام آباد روانہ ہوں گے۔

پولیس حکام کے مراسلے میں پی ٹی آئی سے کہا گیا ہے کہ بُلٹ پروف روسٹرم کو یقینی بنایا جائے اور عمران خان بُلٹ پروف جیکٹ بھی لازماً استعمال کریں۔

پولیس حکام کا کہنا ہے کہ عمران خان کسی عوامی مقام پر گاڑی سے باہر نہ نکلیں اور روایت کے برعکس عمران خان کی نقل و حرکت کو خفیہ رکھا جائے۔