وزیرداخلہ چوہدری نثار علی خان نے اینٹی نارکوٹکس فورس کو ہدایت کی ہے کہ منشیات کی پیداوار، طلب اور ترسیل کی روک تھام کے ساتھ ساتھ منشیات سے متعلقہ کیسز کی موثر پیروی کے حوالے سے ادارے کی استعدادِکار میں اضافے پر بھی خصوصی توجہ دی جائے۔
وزیرداخلہ چوہدری نثار علی خان سے ڈائریکٹر جنرل اینٹی نارکوٹکس فورس میجر جنرل ناصر دلاور شاہ کی ملاقات کے بعد وزارت داخلہ کی طرف سے جاری اعلامیے کے مطابق ڈی جی اے این ایف نے وزیرِداخلہ کو ادارے کی گزشتہ چھ ماہ کی کارکردگی کے حوالے سے بریف کیا۔
گزشتہ ماہ اے این ایف نے تقریباً 50ٹن منشیات قبضے میں لیں جن کی مالیت 3 اعشاریہ 98 ارب روپے ہے۔ وزیرداخلہ چوہدری نثار علی خان نے کہا کہ منشیات کی روک تھام کے سلسلے میں اے این ایف کی کارکردگی کا عالمی سطح پر اعتراف قابلِ اطمینان ہے۔
فرمان الہی
نماز کے اوقات
