فرمان الہی
نماز کے اوقات
پیپلز پارٹی سندھ کے سینئر رہنما منظور وسان نے سیلاب زدہ علاقوں سے پانی نکالنے میں کوتاہی برتے جانے کا اعتراف کرلیا۔
خیرپور میں میڈیا سے گفتگو میں منظور وسان نے کہا کہ سندھ حکومت سے سیلاب زدہ علاقوں سے پانی نکالنے میں کوتاہی ہوئی۔
انہوں نے کہا کہ بہت سے علاقوں میں تاحال سیلاب کا پانی کھڑا ہے، اس کی وجہ ناقص اور ناکارہ ڈرینیج نظام ہے۔
پی پی رہنما نے مزید کہا کہ بارشوں کے نقصان کا ازالہ کرنے کے لیے سندھ حکومت نے گنے اور گندم کے نرخ بڑھائے ہیں۔
ان کا کہنا تھا کہ ہاریوں کے حالات دیکھ کر گندم اور گنے کے نرخ مزید بڑھائے جاسکتے ہیں۔
منظور وسان نے یہ بھی کہا کہ عام انتخابات 2023ء کے مئی یا جون کے وسط میں ہو سکتے ہیں، پیپلز پارٹی کے خلاف اتحاد بنانے والوں کو ناکامی کے سوا کچھ حاصل نہیں ہوتا۔
