منشیات اسمگلنگ کیس: رانا ثناء کی بریت کا تحریری فیصلہ جاری

لاہور کی انسداد منشیات عدالت نے وفاقی وزیر داخلہ رانا ثناء اللّٰہ کی بریت کا تحریری فیصلہ جاری کردیا ہے۔

تفصیلی فیصلے میں عدالت نے ملزمان کی قبضے میں لی گئی گاڑیوں سمیت تمام اشیا واپس کرنےکا بھی حکم دے دیا۔

میرے خلاف جھوٹے مقدمہ میں عمران خان کا ہاتھ تھا، رانا ثناء

وفاقی وزیر داخلہ رانا ثناء اللّٰہ نے کہا ہے کہ میرے خلاف جھوٹا کیس بنایا گیا تھا، یقین تھا حق اور سچ کی فتح ہوگی۔

رانا ثناء اللّٰہ کے خلاف انسداد منشیات کے تحریری فیصلے میں کہا گیا ہے کہ مقدمے میں امتیاز احمد چیمہ اور احسان اعظم گواہ تھے، جو منحرف ہوئے۔

فیصلے میں مزید کہا گیا کہ منحرف ہونے والے گواہوں نے عدالت میں بیان حلفی پیش کئے۔

عدالتی فیصلے میں یہ بھی کہا گیا کہ منحرف گواہان نے دوران گرفتاری منشیات برآمد نہ ہونے کا بیان دیا ہے۔

فیصلے میں کہا گیا کہ گواہان نے بیان دیا محکمے نے انہیں گواہوں کی فہرست میں شامل کیا۔

دسمبر میں اسمبلیاں تحلیل کردیں گے، عمران خان

چیئرمین پاکستان تحریک انصاف (پی ٹی آئی) اور سابق وزیراعظم عمران خان نے رواں ماہ اسمبلیاں تحلیل کرنے کا اعلان کردیا۔

پراسیکیوٹر احتشام الحق نے تیسرے گواہ نعمان غوث کو عدالت میں پیش نہ کرنے کا بیان دیا اور کہا کہ وہ بھی کیس کےحق میں گواہی دینے کےلیے تیار نہیں۔

تحریری فیصلے میں عدالت نے کہا کہ گواہوں کے منشیات برآمدگی کی تردید نے کیس ختم کردیا یوں رانا ثناء اللّٰہ کیخلاف کیس تکنیکی طور پر انجام کو پہنچا، اس میں سقم موجود ہیں۔

عدالت نے کہا کہ منشیات اسمگلنگ کیس میں مزید ٹرائل جاری رکھنے سے کوئی مقصد حاصل نہیں ہوگا۔

پی ٹی آئی سیاسی جماعت نہیں بلکہ پروپیگنڈا گُرو ہے، مریم اورنگزیب

وفاقی وزیر برائے اطلاعات و نشریات مریم اورنگزیب نے پاکستان تحریک انصاف (پی ٹی آئی) کو سیاسی جماعت ماننے سے انکار کردیا۔

تحریری فیصلے میں مزید کہا گیا کہ گواہوں کے منحرف ہونے کے بعد مال مسروقہ کی محفوظ حوالگی کی کڑیاں جوڑنا ممکن نہیں ہوگا۔

فیصلے میں کہا گیا کہ منحرف گواہوں کے بیانات کے بعد عدالت کے پاس ملزمان کو بری کرنے کے سوا کوئی آپشن نہیں۔