کراچی(اسٹاف رپورٹر)ایشین جونیئر والی بال چیمپئن شپ کے لئے قومی جونیئر والی بال ٹیم کا اعلان عید کے بعد ہوگا، ایشین جونیئر والی بال چیمپئن شپ 9سے 17 جولائی تک تائیوان میں کھیلی جائےگی۔ قومی ٹیم کے کھلاڑیوں کا ایشین جونیئر والی بال چیمپئن شپ کی تیاری کے سلسلہ تربیتی کیمپ لیاقت جمنازیم میں جاری ہے۔ کیمپ میں ملک بھر سے 18کھلاڑی شرکت کر رہے ہیں۔ ہیڈ کوچ مظہر حسین نے بتایا کہ رمضان المبارک کے باعث کھلاڑیوں کو رات گیارہ سے دو بجے تک تربیت دی جا رہی ہے اس کے علاوہ کھلاڑیوں کو ویٹ ٹریننگ بھی دی جاتی ہے۔ انہوں نے کہا کہ ایشین جونیئر والی بال چیمپئن شپ میں یکم جنوری 1997ءکے بعد پیدا ہونے والے کھلاڑی حصہ لے سکتے ہیں۔
فرمان الہی
نماز کے اوقات
