عمران خان الیکشن ہارنے کے بعد بھی روتا رہے گا، سلیمان شہباز

وزیراعظم شہباز شریف کے صاحبزادے سلیمان شہباز نے کہا ہے کہ عمران خان الیکشن ہارنے کے بعد بھی روتا ہی رہے گا۔

عمران خان کی میڈیا سے گفتگو پر سلیمان شہباز نے ردعمل دیا اور سابق وزیراعظم کو روندو بچہ کہہ دیا۔

عمران صاحب الزام ثابت کیوں نہیں کیے؟ ثبوت کیوں نہیں دیے؟ مریم اورنگزیب

وفاقی وزیر اطلاعات و نشریات مریم اورنگزیب نے استفسار کیا کہ عمران صاحب الزام ثابت کیوں نہیں کیے؟ آپ نے ثبوت کیوں نہیں دیے؟

انہوں نے کہا کہ عمران خان ایک روندو بچہ ہے جو الیکشن ہار گیا تو پھر روتا رہے گا۔

وزیراعظم کے صاحبزادے نے مزید کہا کہ اگر میں نے کک بیکس لیے تھے تو آپ کی 4 سال کی حکومت تھی، ثبوتوں کے ساتھ ثابت کرتے۔

ان کا کہنا تھا کہ پرویز الہٰی کو ڈاکو کہا اور پھر اس کو وزیراعلیٰ بنا کر پنجاب کو ڈاکو راج تم نے دیا۔