پرویز الہٰی کرپشن کررہے ہیں، چار دن مزید کرلیں گے، رانا ثناء اللّٰہ

وزیر داخلہ رانا ثناء اللّٰہ کا کہنا ہے کہ پرویز الہٰی کرپشن کر رہے ہیں، چار دن مزید کرلیں گے، دیکھیےگا ایک ہفتے میں کیسا یوٹرن آئے گا۔

 جیو نیوز کے پروگرام ’نیا پاکستان‘ میں گفتگو کرتے ہوئے رانا ثناء اللّٰہ نے کہا کہ اسمبلیاں توڑنے کیلئے 23 دسمبر تک جانے کی کیا ضرورت ہے، یہ 23 دسمبر کیا آج اسمبلیاں توڑ دیں۔

ن لیگی اراکین پنجاب اسمبلی نے تحریک عدم اعتماد پر دستخط کردیے

 ذرائع کا کہنا ہے کہ دستخط کرنے والے ارکان میں مسلم لیگ ن، پیپلز پارٹی، دیگر اتحادی جماعتوں کے ارکان شامل ہیں۔

رانا ثناء اللّٰہ نے کہا کہ پنجاب کی پارلیمانی پارٹی کا کہنا ہے کہ آئینی آپشن اختیار کرنا چاہیے۔

وزیر داخلہ نے کہا کہ پرویز الہٰی کو اسٹیبلشمنٹ یا باجوہ صاحب نے نہیں کہا کہ وہاں جاؤ، پرویز الہٰی کو واپڈا ہاؤس سے فون آیا تھا، جس کے بعد انہوں نے باجوہ صاحب کو کال کی۔

رانا ثناء اللّٰہ نے مزید کہا کہ باجوہ صاحب نے پرویز الہٰی کو کہا کہ آپ کی جو مرضی ہے وہ کریں۔