عمران خان پرحملہ، JIT کا عمرسرفراز چیمہ، عمران اسماعیل کے ہمراہ جائے وقوعہ کا دورہ

19 دسمبر ، 2022

چیئرمین پاکستان تحریک انصاف (پی ٹی آئی)عمران خان پر قاتلانہ حملے کی مشترکہ تحقیقاتی ٹیم (جے آئی ٹی) جائے وقوعہ پر پہنچی۔

پولیس ذرائع کے مطابق وزیر آباد میں عمران خان پر قاتلانہ حملے کے واقعے کی جے آئی ٹی کے کنوینر غلام محمد ڈوگر نے دیگر ممبران کے ہمراہ جائے وقوعہ کا دورہ کیا۔

ذرائع کے مطابق مشیر داخلہ پنجاب عمر سرفراز چیمہ اور سابق گورنر سندھ عمران اسماعیل بھی جے آئی ٹی کے ہمراہ تھے۔

پولیس ذرائع کے مطابق عمر سرفراز چیمہ اور عمران اسماعیل جے آئی ٹی کے ہمراہ عمران خان کے نمائندے کی حیثیت سے جائے وقوعہ آئے تھے۔

ذرائع کے مطابق جے آئی ٹی نے جائے وقوعہ اور اردگرد کی چھتوں کا دوبارہ تفصیلی معائنہ کیا اور عینی شاہدین کے بیانات ریکارڈ کیے۔

پولیس ذرائع کے مطابق جے آئی ٹی نے زخمیوں کے میڈیکو لیگل اور معظم گوندل کا پوسٹ مارٹم کرنے والے ڈاکٹروں کے بیانات بھی ریکارڈ کیے۔

ذرائع کے مطابق عمران خان کو بھی بیان ریکارڈ کرانے کےلیے تحریری نوٹس بھجوادیا گیا ہے۔

پولیس ذرائع کے مطابق نوٹس کے باوجود عمران خان نے ابھی تک جے آئی ٹی کو بیان ریکارڈ نہیں کروایا، فارنزک ٹیسٹ کے بعد معلوم ہو گا کہ کس لباس پر کس کا خون تھا۔

قومی خبریں سے مزید