سندھ کے سابق ڈی جی پارکس کو کرپشن مقدمے میں ریلیف مل گیا

اسلام آباد کی احتساب عدالت سے سندھ کے سابق ڈی جی پارکس لیاقت قائم خانی کو کرپشن مقدمے میں ریلیف مل گیا۔

احتساب عدالت اسلام آباد میں آمدن سے زائد اثاثہ جات نیب ریفرنس پر سماعت ہوئی۔

احتساب عدالت کے جج محمد بشیر نے لیاقت قائم خانی کی درخواست پر فیصلہ سنا دیا۔

لیاقت قائم خانی کی نیب ترمیمی آرڈیننس کے تحت ضمانت منظور

نیب ترمیمی آرڈیننس کے تحت جعلی اکاؤنٹس اسکینڈل کے ملزمان کو ریلیف ملنا شروع ہوگیا، سابق ڈی جی پارکس کراچی لیاقت قائم خانی کی باغ ابن قاسم کیس میں ضمانت منظور ہوگئی۔

عدالت نے لیاقت قائم خانی کے خلاف ریفرنس نیب کو واپس بھیج دیا۔

احتساب عدالت کی جانب سے ریفرنس متعلقہ فورم کو بھیجنے کا حکم بھی دیا گیا ہے۔

واضح رہے کہ لیاقت قائم خانی نے نیب ریفرنس کو چیلنج کیا تھا۔