فرمان الہی
نماز کے اوقات
نیوزی لینڈ کرکٹ ٹیم کے آل راؤنڈر ڈیرل مچل نے کہا ہے کہ پاکستان کی کنڈیشنز میں کھیلنا چیلنج ہے لیکن یہی ٹیسٹ کرکٹ کا مزہ ہے۔
کراچی میں جیو نیوز سے گفتگو میں کیوی آل راؤنڈر نے کہا کہ پہلی بار پاکستان میں ٹیسٹ سیریز کے لیے ہر کھلاڑی پُرجوش ہے، یہاں کرکٹ کو بہت پسند کیا جاتا ہے۔
انہوں نے کہا کہ پاکستان کے پاس اچھی تعداد میں ورلڈ کلاس پلیئرز ہیں، ہمیں معلوم ہے کہ یہاں کی کنڈیشنز میں کھیلنا ایک چیلنج ہے۔
ڈیرل مچل نے مزید کہا کہ پاکستان کی کنڈیشنز نیوزی لینڈ کی کنڈیشنز سے بہت مختلف ہیں، ماضی کے نتائج کیا رہے اس جانب ہم نہیں دیکھ رہے۔
ان کا کہنا تھا کہ پاکستان کے پاس بیٹنگ اور بولنگ میں خطرناک پلیئرز ہیں، یہاں کی وکٹ سلو ہیں، باؤنس کم اور اسپن ملے گا۔
نیوزی لینڈ کے آل راؤنڈر نے یہ بھی کہا کہ ٹیسٹ کرکٹ کا مزہ یہی ہے کہ آپ مختلف کنڈیشنز میں کھیلیں۔
