فرمان الہی
نماز کے اوقات
خیبر پختون خوا حکومت کے ترجمان بیرسٹر محمد علی سیف کا کہنا ہے کہ بلاول زرداری کے اعصاب پر عمران خان سوار ہیں۔
پشاور سے جاری کیے گئے بیان کے ذریعے ترجمان خیبر پختون خوا حکومت محمد علی سیف نے چیئرمین پی ٹی آئی، وزیرِ خارجہ بلاول بھٹو زرداری کے بیان پر ردِ عمل کا اظہار کیا ہے۔
ان کا کہنا ہے کہ والدہ کی برسی پر بھی بلاول بھٹو زرداری نے عمران خان پر تنقید کر کے سیاسی قد کاٹھ بڑھانے کی کوشش کی۔
بیرسٹر محمد علی سیف نے کہا ہے کہ بے نظیر بھٹو نے جن کے خلاف سیاست کی، آج فرزندِ زرداری ان کے ساتھ بیٹھے ہیں۔
انہوں نے مزید کہا ہے کہ عمران خان پر تنقید سے پہلے بلاول سندھ کی حالتِ زار پر بھی توجہ دیں، جب سندھ سیلاب میں ڈوب رہا تھا آپ بیرونی دوروں کے مزے لے رہے تھے۔
خیبر پختون خوا حکومت کے ترجمان کا یہ بھی کہنا ہے کہ سیلاب سے پھیلی بیماریوں کے باعث سندھ کے عوام موت کے منہ میں جا رہے ہیں، دادو کے اسپتالوں میں مریض زندگی اور موت کی کشمکش میں ہیں۔
