لاہور ہائیکورٹ: کرپشن، اختیارات سے تجاوز اور مس کنڈکٹ پر ماتحت عدلیہ کے 3 ججز برطرف

چیف جسٹس لاہور ہائیکورٹ کی زیر صدارت انتظامی کمیٹی نے کریشن، اختیارات سے تجاوز اور مس کنڈکٹ پر ماتحت عدلیہ 3 ججز کو ملازمت سے برطرف کردیا اور اورچار ججز کے خلاف انکوائری ختم کر دی۔

لاہور میں چیف جسٹس ہائیکورٹ کی زیر صدارت انتظامی کمیٹی نے ججز کو برطرف کرنے کی منظوری دے دی۔ ضلعی عدالتوں سے وابستہ ان ججز کی برطرفی کا نوٹیفکیشن بھی جاری کردیا گیا۔

بلدیاتی انتخابات ملتوی، اسلام آباد ہائیکورٹ کا الیکشن کمیشن کو نوٹس

اسلام آباد ہائیکورٹ نے بلدیاتی انتخابات ملتوی کرنے پر الیکشن کمیشن کو نوٹس جاری کردیا۔

نوٹیفکیشن کے مطابق کرپشن اور مس کنڈکٹ پر ایڈیشنل ڈسٹرکٹ اینڈ سیشن جج نصر علی کو ملازمت سے برطرف کیا گیا۔

مس کنڈکٹ پر ایڈیشنل ڈسٹرکٹ اینڈ سیشن جج حیدر امین اور مس کنڈکٹ پر سول جج جنید اقبال کو ملازمت سے برطرف کیا گیا ہے۔

نوٹیفکیشن کے مطابق برطرف کیے گئے ججز محکمانہ انکوائری اور ذاتی شنوائی کے موقع پر اپنی بے گناہی ثابت نہیں کرسکے۔

دوسری طرف انتظامی کمیٹی نے سیشن جج لاہور تنویر اکبر سمیت 4 ججز کے خلاف محکمانہ انکوائریاں ختم کردیں۔

توانائی میں کفایت شعاری اپنانا ضروری ہے، وزیراعظم

وزیراعظم شہباز شریف نے کہا ہے کہ بحیثیت قوم توانائی سے متعلق کفایت شعاری اپنانے کی اشد ضرورت ہے۔

ہائیکورٹ کی انتظامی کمیٹی نے ججز کی انکوائری ڈراپ کرنے کی منظوری دی۔

سیشن جج تنویر اکبر کی جج بینکنگ کورٹ نمبر ون میں تعیناتی کے دوران انکوائری شروع ہوئی تھی، جو اب ڈراپ کردی گئی ہے۔

ایڈیشنل سیشن جج نارووال رانا طارق محمود انجم، سینئر سول جج ٹوبہ ٹیک سنگھ محمد سلیم، سول جج ماڈل ٹاؤن لاہور عاطف رشید خان کے خلاف محکمہ انکوائری ڈراپ کردی گئی۔

چیف جسٹس ہائیکورٹ کی منظوری کے بعد ججز کی انکوائریاں ختم کرنے کا نوٹیفکیشن بھی جاری کردیا گیا۔