فرمان الہی
نماز کے اوقات
کراچی(عبدالماجدبھٹی)پنجاب کے نگران وزیراعلیٰ کے تقرر کے حوالے سے تحریک انصاف نے پارلیمانی کمیٹی کو بھجوانے کیلئے دو نام فائنل کرلیے۔ذرائع کا کہنا ہے کہ تحریک انصاف نے فیصلہ کیا ہے کہ احمد نواز سکھیرا اور نوید اکرم چیمہ کے نام پارلیمانی کمیٹی میں بھجوائے جائیں گے۔احمد نواز سکھیرا اور نوید اکرم چیمہ کا نام کرکٹ کے حلقوں میں جانا پہچانا ہے دونوں بیورو کریسی میں بڑے عہدوں پر فائز رہے ہیں۔احمد نواز سکھیرا خود اچھے کرکٹر رہے ہیں۔لاہور ،اسلام آباد اور برطانیہ میں وہ مستقل کرکٹ کھیلتے تھے اور ان کی کئی کرکٹرز کے ساتھ دوستی ہے۔احمد نواز سکھیرا نے اسلام آباد کلب میں اسٹیٹ آف دی آرٹ کرکٹ گراونڈ بنایا ہے۔جس میں وہ اکثر خود بھی کرکٹ کھیلتے ہوئے دکھائی دیتے ہیں۔
