مبینہ خودکش حملہ آور کا سر بھی ملا ہے، سی سی پی او

31 جنوری ، 2023

سی سی پی او پشاور محمد اعجاز خان کا کہنا ہے کہ دھماکا بظاہر خودکش حملہ لگتا ہے، واقعہ کی جگہ سے مبینہ خودکش حملہ آور کا سر بھی ملا ہے۔

جیو نیوز سے بات چیت کرتے ہوئے سی سی پی او پشاور محمد اعجاز خان نے کہا کہ ریسکیو آپریشن کے بعد ہی پتہ چلے گا کہ دھماکا کس نوعیت کا تھا۔

انہوں نے کہا ہوسکتا ہے کہ حملہ آور پہلے سے ہی پولیس لائنز میں موجود ہو۔

سی سی پی او کے مطابق پولیس لائنز میں ایف آر پی، ایس ایس یو، سی ٹی ڈی سمیت 8 سے زائد یونٹس کے دفاتر ہیں۔

ان کا کہنا تھا کہ یومیہ 1500 سے 2 ہزار اہلکار پولیس لائنز آتے اور جاتے ہیں، یہ بھی امکان ہے کہ حملہ آور کسی سرکاری گاڑی میں بیٹھ کر آگیا ہو۔

یہ بھی پڑھیے

اعجاز خان نے بتایا کہ مسجد کا ہال پرانا تھا جس میں بیمز تھیں، باقی مسجد نئی بنائی گئی تھی، ہال میں دھماکے سے ویوز نکلیں، آگ نے بھی نقصان پہنچایا۔

سی سی پی او کا کہنا ہے کہ مسجد کی دیوار گرنے سے زیادہ نقصان ہوا، سی ٹی ڈی کیس کی تفتیش کر رہی ہے۔

قومی خبریں سے مزید

برطانوی ڈپارٹمنٹ فار ٹرانسپورٹ کی ایئر پورٹس پر عملے کی تربیت