بابر غوری وطن واپس پہنچ گئے

سابق وفاقی وزیر، ایم کیو ایم پاکستان کے رہنما بابر غوری وطن واپس پہنچ گئے۔

ذرائع کے مطابق بابر غوری غیر ملکی ایئر لائن کی پرواز ای کے 606 کے ذریعے دبئی سے کراچی پہنچے۔

ذرائع کا کہنا ہے کہ امیگریشن کے بعد بابر غوری کراچی ایئرپورٹ سے اپنی رہائش گاہ کی جانب روانہ ہو گئے۔

واضح رہے کہ سندھ ہائی کورٹ نے چند روز قبل ایم کیو ایم کے رہنما بابر غوری کی غیر موجودگی میں ان کی حفاظتی ضمانت منظور کی تھی۔

بابر غوری کی حفاظتی ضمانت منظور

سندھ ہائی کورٹ نے حفاظتی ضمانت کی درخواست پر سماعت کرتے ہوئے ایم کیو ایم کے رہنما بابر غوری کی ضمانت منظور کر لی۔

انسدادِ دہشت گردی کی عدالت نے بابر غوری کے ناقابلِ ضمانت وارنٹِ گرفتاری جاری کر رکھے ہیں جو عدالت نے معطل کر دیے تھے۔

حفاظتی ضمانت کی درخواست بابر غوری کی بیٹی کی جانب سے دائر کی گئی تھی۔

بابر غوری کو نیب نے بھی طلب کر رکھا ہے۔