اسرائیل اور فلسطین دو ریاستی حل کو بحال کریں، امریکی سیکریٹری خارجہ

31 جنوری ، 2023

امریکی سیکریٹری خارجہ انٹونی بلنکن نے اسرائیل اور فلسطین پر زور دیا ہے کہ وہ طویل مدت سے رکے ہوئے دو ریاستی حل کو بحال کریں کیونکہ یہی آگے بڑھنے کا واحد راستہ ہے اور تنازع کو ہوا نہ دیں۔

وہ گزشتہ روز تل ابیب پہنچے اور کہا کہ یہ ایک اہم لمحہ ہے، سب کی ذمہ داری ہے کہ وہ تنازعات کو بھڑکانے کے بجائے کم کریں۔

اسرائیلی وزیراعظم نیتن یاہو سے ملاقات کے دوران ان کا کہنا تھا کہ اسرائیل کی سلامتی کیلئے امریکا کا عزم مضبوط تر ہے لیکن کوئی بھی اقدام جو ہمیں دو ریاستی حل سے دور کرے وہ اسرائیل کی طویل مدت سلامتی کیلئے نقصان دہ ہوگا۔

اسرائیلی وزیر داخلہ کی طرف سے مسجدِ اقصیٰ کے دورے پر امریکی پالیسی واضح کرتے ہوئے سیکریٹری خارجہ نے کہا کہ امریکا یروشلم کی انتظامی حیثیت کی حمایت کرے گا۔

اسرائیلی وزیر خارجہ کے ساتھ پریس کانفرنس کرتے ہوئے انٹونی بلنکن نے کہا کہ ایران اس خطے میں صرف اسرائیل کیلئے خطرہ نہیں بلکہ دنیا کیلئے خطرہ ہے، جیسا کہ ہم سب نے دیکھا کہ ایران نے روس کو ڈرونز دیے تاکہ وہ یوکرین میں اپنی جارحیت برقرار رکھے۔

بین الاقوامی خبریں سے مزید