18 سیکنڈز کی دیر، جنوبی افریقی کرکٹر ورلڈکپ ٹیم سے باہر

جنوبی افریقا کی ویمن ٹیم کی سابق کپتان ڈانے وین نیکرک ٹی ٹوئنٹی ورلڈ کپ کے اسکواڈ میں جگہ نہ بنا سکیں۔

غیرملکی میڈیا کے مطابق طویل عرصے سے کپتان رہنے والی ڈانے وین نیکرک ٹخنے کی انجری سے صحت یاب ہو رہی ہیں۔

رپورٹس کے مطابق سابق کپتان کو فٹنس ٹیسٹ میں ناکام ہونے کے بعد اسکواڈ سے ڈراپ کیا گیا ہے۔

رپورٹس کے مطابق ڈانے وین نیکرک کی جگہ سن لوس ٹیم کی قیادت کریں گی۔

غیرملکی میڈیا کے مطابق جنوبی افریقی خواتین کرکٹرز کے لیے بنائے گئے فٹنس معیار کے تحت انہیں 9 منٹ 30 سیکنڈز میں 2 کلومیٹر دوڑنا ہوتا ہے تاہم ڈانے وین نیکرک نے 18 سیکنڈز دیر سے یہ فاصلہ طے کیا۔

پاکستان ویمن ٹیم ٹی ٹوئنٹی ورلڈ کپ میں شرکت کیلئے جنوبی افریقا پہنچ گئی

پاکستان ویمن کرکٹ ٹیم ٹی ٹوئنٹی ورلڈ کپ میں شرکت کے لیے جنوبی افریقا کے شہر کیپ ٹاؤن پہنچ گئی۔

رپورٹس کے مطابق ڈانے وین نیکرک کا فٹنس ٹیسٹ 27 جنوری کو ہوا تھا۔

واضح رہے کہ آئی سی سی ویمن ٹی ٹوئنٹی ورلڈ کپ رواں ماہ سے جنوبی افریقا میں شروع ہورہا ہے۔