شاہ چارلس سوم کا صدر عارف علوی کے نام پیغام

برطانیہ کے شاہ چارلس سوم نے صدر مملکت عارف علوی کے نام اپنے تعزیتی پیغام میں پشاور پولیس لائنز دھماکے کی مذمت کی ہے۔ 

لندن سے جاری اپنے پیغام میں شاہ چارلس سوم نے کہا کہ پشاور دھماکے پر مجھے اور میری اہلیہ کو صدمہ پہنچا ہے۔ 

انہوں نے کہا کہ عبادت گاہوں میں لوگوں کو نشانہ بنانا زیادہ اندوہناک ہے۔

شاہ چارلس سوم نے مزید کہا کہ ایسے واقعات کہیں بھی ہوں انسانیت اور مشترکہ اقدار کے خلاف ہیں۔