• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی اسمبلی، ایف نائن پارک واقعے پر اکبر چترالی نے کیا کہا؟

تازہ ترین
قومی خبریں
06 فروری ، 2023
قومی اسمبلی، ایف نائن پارک واقعے پر اکبر چترالی نے کیا کہا؟

جماعت اسلامی سے تعلق رکھنے والے رکن قومی اسمبلی مولانا عبدالاکبر چترالی نے کہا ہے کہ حکومت وفاقی دارالحکومت میں اپنی رٹ قائم کرنے میں ناکام رہی ہے۔

قومی اسمبلی اجلاس میں مولانا عبدالاکبر چترالی نے اسلام آباد کے ایف نائن پارک میں رونما ہوئے دردناک واقعے پر ایوان کی توجہ مبذول کروائی۔

اسلام آباد پارک زیادتی کیس، ملزمان کا ڈکیت گینگ سے تعلق کا شبہ

وفاقی دارالحکومت اسلام آباد کی پولیس نے ایف نائن پارک میں لڑکی سے زیادتی کرنے والے ملزمان کا تعلق کسی ڈکیت گینگ سے ہونے کا خدشہ ظاہر کیا ہے۔

انہوں نے کہا کہ ایف نائن پارک حساس جگہ ہے، وہاں سیکیورٹی کیوں نہیں تھی، پارک میں ایک بچی کے کپڑے پھاڑے گئے اور زیادتی کی گئی۔

رکن قومی اسمبلی نے مزید کہا کہ ایوان میں پوچھنا چاہتا ہوں حکومت اپنی رٹ قائم کرنے میں کیوں ناکام ہوئی، اسلام آباد میں یہ ہو رہا ہے تو باقی علاقوں کا کیا۔

انہوں نے مطالبہ کیا کہ اسلام آباد پولیس واقعے میں ملوث عناصر کے خلاف فوری کارروائی کرے۔

اس پر ڈپٹی اسپیکر نے رولنگ دی کہ آئی جی اسلام آباد 24 گھنٹے کے اندر ایوان کو رپورٹ دیں۔

قومی خبریں سے مزید