فرمان الہی
نماز کے اوقات
نگراں وزیر تعلیم پنجاب منصور قادر نے کہا ہے کہ پاکستان کرکٹ بورڈ (پی سی بی) نے اپنے حصے کے 25 کروڑ دینے سے انکار کردیا ہے۔
جیو نیوز کے پروگرام نیا پاکستان میں گفتگو کے دوران وزیر تعلیم پنجاب نے کہا کہ اس سال پاکستان سپر لیگ (پی ایس ایل) کے انتظامات کا تخمینہ1 ارب 20 کروڑ لگایا گیا۔
انہوں نے کہا کہ اتنی بڑی رقم خرچ کرنے پر نگراں وزیراعلیٰ کے تحفظات ہیں، حکومت پنجاب نے رمضان میں عوام کو ریلیف دینا ہے جو مشکل ہو رہا ہے۔
صوبائی وزیر نے مزید کہا کہ پی ایس ایل پر 50 کروڑ کے اخراجات ہیں، ہم 25 کروڑ روپے خرچ کرنے کو تیار ہیں جبکہ پی سی بی نے اپنے حصے کے 25 کروڑ دینے سے انکار کردیا ہے۔
منصور قادر نے یہ بھی کہا کہ ہم نے کہا تھا کہ 25 کروڑ روپے دے کر لائٹیں خرید لیں تاکہ ہر سال کام آئیں۔
ان کا کہنا تھا کہ حکومت پنجاب کو رمضان میں عوام کو ریلیف دینا مشکل ہو رہا ہے، پی سی بی اپنا شیئر ڈالے تا کہ عوام کو تفریح اور سہولت بھی دے سکیں۔
