فرمان الہی
نماز کے اوقات
لاہور ویسٹ منیجمنٹ کمپنی (ایل ڈبلیو ایم سی) نے پاکستان کرکٹ بورڈ (پی سی بی) سے صفائی کے واجبات مانگ لیے۔
صفائی سروسز کے بقایاجات کی ادائیگی کیلئے ایل ڈبلیو ایم سی نے پی سی بی کو خط لکھ دیا۔
خط میں کہا گیا ہے کہ پی سی بی نے 2017 سے اب تک پی ایس ایل سمیت کسی بھی سیریز کے واجبات ادا نہیں کیے۔
خط میں مزید کہا گیا ہے کہ پی سی بی 2017 سے اب تک قذافی اسٹیڈیم میں کھیلی جانے والی سیریز کے واجبات کی ادائیگی میں ناکام رہا۔
خط میں کہا گیا کہ 2017 میں کھیلے گئے ورلڈ الیون، پاک سری لنکا سیریز کی ادائیگیاں تا حال نہیں کی گئیں، 2022 میں کھیلے گئے پاک انگلینڈ، پاک آسٹریلیا، پی ایس ایل 7 کے واجبات بھی ادا نہیں کیے گئے، پی ایس ایل 8 کیلئے بھی تمام تر صفائی کی ذمہ داری ایل ڈبلیو ایم سی کے پاس ہے۔
متن میں کہا گیا کہ پی سی بی کے ذمے مجموعی طور پر ایل ڈبلیو ایم سی کے 4 کروڑ 83 لاکھ روپے واجب الادا ہیں، 2022 میں کھیلے گئے پی ایس ایل 7 کے ایک کروڑ 10 لاکھ کے واجبات بھی ادا نہیں کیے گئے۔
