• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اب دیکھو، ’بگڑی شہزادی‘ تمہیں مات دیتی ہے، مریم نواز

آج کا اخبار
ملک بھر سے
26 فروری ، 2023
لاہور، خوشاب (نیوز ایجنسیاں) مسلم لیگ (ن) کی چیف آرگنائزر مریم نواز نے عمران خان کو ’’سازشوں کا بادشاہ‘‘ قرار دے دیا۔ ٹوئٹر پر عمران خان کے ٹوئٹ کا جواب دیتے ہوئے انہوں نے کہا کہ آپ کی چیخیں غلط نہیں ،کیونکہ آپ اپنے گاڈ فادر فیض اور ان کی باقیات کی مدد سے سازشوں کے بادشاہ ہیں۔ عمران خان اب آپ دیکھیں گے کہ’’بگڑی ہوئی شہزادی‘‘ آپ کو کیسے مات دیتی ہے، آپ جیسے گاڈسن اور پیادے غیر متعلقہ ہو جائیں گے۔ایک اور ٹوئٹ میں انہوں نے کہا آپ کا ’’چور ڈاکو‘‘ کا بیانیہ منہ کے بل گر چکا، آپ 190ملین پاؤنڈ (58ارب) کی چوری کرتے رنگے ہاتھوں پکڑے گئے، اس کے علاوہ بیوی کے زیورات، توشہ خانہ کی ڈکیتی، رشوت میں 5کیرٹ ہیرے کی انگوٹھی وصول کرنے والے پہلے کرپٹ وزیر اعظم ہیں۔
ملک بھر سے سے مزید