فرمان الہی
نماز کے اوقات
پاکستان شوبز انڈسٹری کے سینئر اداکار جاوید شیخ نے سوشل میڈیا پر سابق وزیرِ اعظم عمران خان کے ہمراہ اپنی ایک یاد گار تصویر شیئر کردی۔
جاوید شیخ نے مائیکرو بلاگنگ ویب سائٹ ٹوئٹر پر اپنی ایک پرانی یادگار تصویر شیئر کی ہے۔
اُنہیں اس تصویر میں عمران خان اور کچھ دیگر افراد کے ساتھ کھڑے ہوئے دیکھا جاسکتا ہے۔
اُنہوں نے تصویر شیئر کرتے ہوئے کیپشن میں لکھا کہ’جب پاکستانی فلم انڈسٹری نے عمران خان کو شوکت خانم اسپتال کے لیے چیک پیش کیا۔
واضح رہے کہ کینسر کے مریضوں کے علاج کے لیے شوکت خانم اسپتال کو عمران خان کی’ شوکت خانم میموریل ٹرسٹ‘ نے 1994ء پشاور میں تعمیر کروایا تھا۔
بعد ازاں، اس اسپتال کی ایک برانچ لاہور میں بھی قائم کی گئی اور اب جلد ہی کراچی میں بھی شوکت خانم اسپتال کا افتتاح کردیا گا۔
اس حوالے سے کچھ روز قبل عمران خان نے کہا تھا کہ مشکلات کے باوجود شوکت خانم اسپتال کراچی رواں برس کے آ خر تک عوام کے لیے کھول دیا جائے گا۔
اُنہوں نے مزید بتایا کہ شوکت خانم اسپتال کراچی کا رقبہ لاہور سے دوگنا ہوگا اور اس میں کینسر کے جدید آلات بھی ہوں گے۔
