بھارت کی ریاست راجستھان سے کروڑوں سال قبل کرہ ارض سے معدوم ہوجانے والے دیو قامت جانور ڈائنو سار کے پاؤں کے نشانات ملے ہیں جس نے سائنسدانوں کو حیران کردیا ہے۔
میڈیا رپورٹس کے مطابق جین آرین ویاس یونیورسٹی جودھ پور کے تحقیق کاروں کا کہنا ہے کہ ڈائنو سار کے پیروں کے نشان 15کروڑ سال پرانے ہیں جو تقریبا تیس سینٹی میٹر لمبے ہیں۔
ان پیروں کی لمبائی سے ماہرین نے اندازہ لگایا ہے کہ ان ڈائنو سارز کا قد تین میٹر اور لمبائی 5سے 7میٹر رہی ہوگی۔