نوڈیرو (نامہ نگار) نوڈیرو کے نوحی گاؤں نظر ڈیتھو کے رہائشی شخص شفقت علی ڈیتھو نے اپنی حاملہ بیوی سائرہ خاتون کو ڈاکٹر سے چیک اپ کرانے کے بہانے نوڈیرو لے جاتے ہوئے راستے میں دادو کینال برج پیر متارو کے مقام پر پانی کاتیز بہاؤ دیکھانے کے لیئے موٹر سائیکل سے اتاردیا اور پل کے پاس لے جا کر بیوی کو نہر میں دھکا دیکر فرار ہو گیا، راستے میں آس پاس کی زمینوں میں کام کرنے والے افراد نے خاتون کی چیخ پکار سن کر اس کی زندگی بچانے کے لیئے نہر میں اتر گئے اور اسےنکالنے کی کوشش کی مگر پانی کے تیز بہاؤ کی وجہ سے لاش نہ مل سکی۔ دوسری جانب شفقت علی کے والد محمد بخش ڈیٹھو نے کہا کہ مجھے اس بات کا کوئی علم نہیں کہ میرے بیٹے نے ایسا کس لیئے کیا ہے وہ گھر سے بھی فرار ہوگیا ہے۔دوسری جانب پولیس نے غوطہ خوروں کی مدد سے لاش کو 14گھنٹے بعد پیر جان محمد کے مقام سے تلاش کر کے اپنی تحویل میں لے لیا ہے اور پوسٹ مارٹم کرانے کے لیئے لاش کو نوڈیرو اسپتال لایا گیا ہے۔
فرمان الہی
نماز کے اوقات
