فرمان الہی
نماز کے اوقات
پاکستان شوبز انڈسٹری کے معروف اداکار عمران عباس نے پاکستانی فلموں میں کام کرنے کے بجائے بین الاقوامی فلموں میں کام کرنے کو ترجیح دینے کی وجہ بتادی۔
عمران عباس نے شعیب ملک اور ثانیہ مرزا کے سیلیبرٹی ٹاک شو ’دی مرزا ملک شو‘ میں بطور مہمان شرکت کی۔
اس شو کے دوران اداکار سے میزبان شعیب ملک نے ایک سوال کیا کہ’آپ کو کچھ بالی ووڈ فلموں میں تو دیکھا گیا لیکن کافی عرصے سے آپ کسی بھی پاکستانی فلم میں نظر نہیں آئے؟‘
اُنہوں نے اس سوال کے جواب میں کہا کہ ابھی تک جتنی بھی پاکستانی فلمیں ریلیز ہوئیں ان میں سے تقریباََ 50 فیصد کے اسکرپٹس میرے پاس پڑے ہوئے ہیں۔
اُنہوں نے مزید کہا کہ مجھے لگتا ہے کہ پاکستانی فلموں میں مزید بہتری لانے کے لیے اسکرپٹس پر ابھی مزید کام کرنے کی ضرورت ہے۔
عمران عباس نے کہا کہ میں ابھی فی الحال کچھ بین الاقوامی فلموں کا حصّہ ہوں، جن میں سے ایک امریکی، دو ہندوستانی اور ایک پنجابی فلم ہے۔
یاد رہے کہ ماضی میں بھی عمران عباس کو بالی ووڈ کی بلاک بسٹر فلم ’رام لیلا‘میں کام کرنے کی بھی پیشکش ہوئی تھی لیکن انہوں نے اس پیشکش کو ٹھکرا دیا تھا جس کے بعد یہ فلم رنویر سنگھ کو ملی۔
