فرمان الہی
نماز کے اوقات
بالی ووڈ کے اداکار ویویک اوبرائے نے حال ہی میں ایک پرتعیش اور گراں قیمت رولز رائس کولینان خریدی ہے، جس کی قیمت 12 کروڑ (بھارتی روپے) ہے۔
انٹرنیٹ پر ویویک کی جانب سے جاری کی گئی ایک ویڈیو میں دیکھا جاسکتا ہے کہ وہ اپنے گھر پر گاڑی کی ڈلیوری کے وقت اپنے اہل خانہ کے ساتھ موجود ہیں اور بعد میں وہ گاڑی کی چابی اپنے والد سریش اوبرائے کو پیش کرتے ہیں۔
اس موقع پر ان کی والدہ یشودرا اور انکی اہلیہ پریانکا انکے والد کے ساتھ گاڑی میں بیٹھتے ہیں۔ ویوک اوبرائے نے اس ویڈیو پر کیپشن تحریر کیا، کامیابی مختلف انداز اور شکل میں آتی ہے۔
انہوں نے مزید لکھا، آج کچھ اس انداز میں دیکھی جاسکتی ہے، خاندان کے ساتھ زندگی کے اس خصوصی لمحات کو منانے پر انتہائی خوش اور شکر گزار ہوں۔
واضح رہے کہ رولز رائس کولینان کا شمار دنیا کی مہنگی ترین کاروں میں ہوتا ہے۔
