عمران خان نے حاضری رجسٹر پر دستخط کردیے، لیگل ٹیم

پاکستان تحریک انصاف کی لیگل ٹیم نے کہا ہے کہ عمران خان نے حاضری رجسٹر پر دستخط کردیے ہیں۔

ذرائع کے مطابق توشہ خانہ کیس میں عمران خان کی حاضری پر دستخط عدالت میں پیش کیے گئے۔

سیشن جج نے عمران خان کی حاضری گاڑی میں لگانے کی اجازت دیدی

سیشن جج اسلام آباد ظفر اقبال نے عمران خان کی حاضری گاڑی میں لگانے کی درخواست منظور کرلی۔

عمران خان کے وکیل خواجہ حارث نے عدالت میں دلائل دیے کہ توشہ خانہ کیس میں فرد جرم آج تو نہیں ہوسکتی ہے۔

اس پر جج ظفر اقبال نے کہا کہ امید ہے اگلی سماعت ایف ایٹ کچہری میں ہوگی۔

اس سے قبل عمران خان کے حاضری رجسٹر پر دستخط نہیں ہوسکے تھے، عدالتی عملہ عمران خان کی درخواست واپس لے آیا۔

جج کو بتایا گیا کہ عمران خان کی گاڑی بدستور جوڈیشل کمپلیکس کے احاطے میں موجود ہے۔

پولیس نے شبلی فراز کو حراست میں لینے کے بعد چھوڑ دیا گیا

پاکستان تحریک انصاف (پی ٹی آئی) کے سینیٹر شبلی فراز کو اسلام آباد پولیس نے گرفتاری کے بعد رہا کردیا۔

اس پر سیشن جج ظفر اقبال نے کہا کہ عمران خان کی دستخط ہوجائیں پھر کارروائی آگے بڑھائیں گے۔

انہوں نے مزید کہا کہ عمران خان کے دستخط ہوجائیں تو حالات معمول کے مطابق کردیے جائیں۔

جج ظفر اقبال نے کہا کہ عمران خان کے دستخط کروانے کے بعد مجمع کو منتشر کردیا جائے۔

اس موقع پر عدالتی حکم پر پولیس حراست سے رہائی پانے والے شبلی فراز نے کہا کہ جوڈیشل کمپلیکس میں ایف سی بھری ہوئی ہے ، شیلنگ جاری ہے۔