عمران خان اور اسد عمر کی ٹیلیفونک گفتگو سامنے آگئی

چیئرمین پاکستان تحریک انصاف ( پی ٹی آئی) عمران خان اور اسد عمر کی ٹیلیفونک گفتگو سامنے آگئی۔

عمران خان نے جوڈیشل کمپلیکس کے دروازے سے اسد عمر کو فون کیا اور کہا کہ 15 منٹ سے باہر کھڑا ہوں۔

توشہ خانہ کیس: عمران خان کے وارنٹ منسوخ، سماعت 30 مارچ تک ملتوی

ایڈیشنل سیشن جج نے عمران خان کے وارنٹ گرفتاری منسوخ کرتے ہوئے توشہ خانہ کیس کی سماعت 30 مارچ تک ملتوی کردی۔

پی ٹی آئی نے عمران خان اور اسد عمر کی ٹیلیفونک گفتگو جاری کردی، جس میں عمران خان کہہ رہے ہیں کہ انہیں ٹول پلازہ سے جوڈیشل کمپلیکس پہنچنے میں 5 گھنٹے لگ گئے۔

انہوں نے کہا کہ جگہ جگہ ناکے لگے ہیں، آنسو گیس کے شیل چلائے گئے اور کنٹینرز کھڑے کردیے گئے، دراصل یہ نہیں چاہتے تھے کہ میں عدالت نہ پہنچوں۔

عمران خان کا کمرہ عدالت میں پیش ہوئے بغیر ہی واپس چلے گئے

سابق وزیراعظم اورچیئرمی پاکستان تحریک انصا ف (پی ٹی آئی )عمران خان توشہ خانہ کیس میں کمرہ عدالت میں پیش ہوئے بغیر ہی واپس چلے گئے۔

عمران خان کی گفتگو سامنے آنے کے بعد پی ٹی آئی چیئرمین کی حاضری سے استثنیٰ کی درخواست دائر کی گئی۔

اس کے بعد عمران خان کی طرف سے عدالت سے گاڑی میں حاضری کی درخواست دائر کی گئی، جو جج نے منظور کرلی۔

ن لیگی چیف آرگنائزر مریم نواز نے اس صورتحال پر طنزیہ انداز میں تبصرہ کیا، انہوں نے سوشل میڈیا پر لکھا کہ ’میرے پاس آکر میری حاضری لگوائیں‘۔

تاہم عمران خان گاڑی میں حاضری پر دستخط کرنے کے بعد کمرہ عدالت میں پیش ہوئے بغیر ہی روانہ ہوگئے۔