پی ٹی آئی کارکنوں نے 10 موٹر سائیکلیں جلادیں

اسلام آباد میں جوڈیشل کمپلیکس کے باہر پاکستان تحریک انصاف (پی ٹی آئی) کے کارکنوں نے 10 موٹر سائیکلیں جلادیں۔

توشہ خانہ کیس میں عمران خان کی حاضری کے موقع پر پی ٹی آئی کارکن مشتعل ہوگئے، انہوں نے کمپلیکس میں کھڑی پولیس کی 10 موٹر سائیکلیں جلادی ہیں۔

عمران خان نے حاضری رجسٹر پر دستخط کردیے، لیگل ٹیم

پاکستان تحریک انصاف کی لیگل ٹیم نے کہا ہے کہ عمران خان نے حاضری رجسٹر پر دستخط کردیے ہیں۔

جوڈیشل کمپلیکس میں پی ٹی آئی کارکن نے ایک پولیس افسر کی گاڑی بھی الٹ دی۔

جوڈیشل کمپلیکس اسلام آباد پی ٹی آئی کے کارکنوں اور پولیس کے درمیان میدان جنگ بنا رہا، اسلام آباد پولیس پر ڈنڈا بردار کارکنوں کا پتھراؤ کیا اور پولیس کی کار کو نقصان پہنچایا۔

پی ٹی آئی کارکنوں نے پولیس بس پر پتھر مارے، غلیلیں چلائیں، ایک گاڑی کو آگ لگادی جبکہ ایک کو پلٹ دیا۔

پولیس نے جوابی شیلنگ کی، تحریک انصاف کے کارکنوں نے پتھراؤ کے ساتھ پولیس پر آنسو گیس کے شیل بھی برسائے۔

پولیس نے شبلی فراز کو حراست میں لینے کے بعد چھوڑ دیا گیا

پاکستان تحریک انصاف (پی ٹی آئی) کے سینیٹر شبلی فراز کو اسلام آباد پولیس نے گرفتاری کے بعد رہا کردیا۔

پولیس ذرائع کے مطابق کارکنوں نے گلگت بلتستان پولیس کے شیل استعمال کیے۔

آئی جی اسلام آباد اکبر ناصر نے کہا کہ پولیس پر شیلنگ ہمارے لیے ایک نئی چیز ہے، کارکنوں نے جوڈیشل کمپلیکس کا بیریئر اور دروازہ توڑ دیا۔

جوڈیشل کمپلیکس کے اندر بھی پی ٹی آئی کارکنوں نے پتھراؤ کیا، شدید پتھراؤ کے بعد پولیس نے لاٹھی چارج اور شیلنگ کی۔

کمرہ عدالت کےاطراف میں بھی آنسو گیس کا دھواں پھیل گیا، پولیس نے پہلے شبلی فراز کو گرفتار کیا اورپھر چھوڑ دیا۔