-
فرمان الہی
-
نماز کے اوقات
- جمعہ یکم؍ذیقعد 1445ھ 10؍مئی 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بالی ووڈ اداکارہ دیپیکا پڈوکون کی آسکرز ایوارڈز میں کی گئی تقریر کو کینیڈین ڈی جے نے ریپ ساؤنڈ ٹریک میں تبدیل کر دیا۔
بھارتی اداکارہ نے حال ہی میں ہونے والی آسکر ایوارڈز کی تقریب میں شرکت کرکے جیتنے والوں کو ایوارڈز سے نوازا، تاہم تیلگو فلم ’آر آر آر‘ کے مشہور گانے ’ناٹو ناٹو‘ کی جیت پر اداکارہ نے دوران تقریر اس گانے کے لئے ’ٹوٹل بینگر‘ کے الفاظ استعمال کئے۔
ان کی تقریر کو دنیا بھر میں بےحد پسند کیا گیا اور سوشل میڈیا پر وائرل ہوگئی، اس کی مقبولیت کو دیکھتے ہوئے کینیڈا سے تعلق رکھنے والے ایک ڈی جے نے اس تقریر کو خوبصورت بیٹ کے ساتھ ملا کر ایک ریمکس ورژن تیار کیا اور انسٹاگرام پر شیئر کردیا۔
سِک کِک کے نام سے مشہور اس ڈی جے نے ریمکس ورژن کو انسٹاگرام پر شیئر کرتے ہوئے لکھا کہ ’میں آسکرز دیکھ رہا تھا، اسی دوران دیپیکا پاڈوکون کی متاثرکُن تقریر سنی تو میں اسے موسیقی میں تبدیل کرنے پر مجبور ہوگیا اور اس ساؤنڈ ٹریک کو تخلیق کردیا‘۔
سوشل میڈیا صارفین اس ساؤنڈ ٹریک کو بے حد پسند اور اس کے مکمل ورژن کا مطالبہ کر رہے ہیں، اس کی مقبولیت کا یہ عالم ہے کہ چند ہی گھنٹوں میں اس نے دیپیکا پڈوکون کی توجہ حاصل کرنے میں بھی کامیاب ہوگیا۔
بھارتی اداکارہ نے بھی اس گانے کو بےحد پسند کیا اور اسے اپنی اسٹوری پر شیئر کرتے ہوئے اسے ’ٹوٹل بینگر‘ قرار دے دیا۔
