ڈونلڈ ٹرمپ کی گرفتاری کے مناظر سامنے آگئے، حقیقت کیا ہے؟

امریکا کے سابق صدر ڈونلڈ ٹرمپ کی پولیس کے ہاتھوں اچانک گرفتاری کی تصاویر سوشل میڈیا پر سامنے آنے کے بعد ان کے حامی پریشان ہوگئے۔

غیرملکی میڈیا کے مطابق سوشل میڈیا پر ڈونلڈٹرمپ کی گرفتاری کی تصاویر کو آرٹیفیشل انٹیلیجنس(اے آئی) کی مدد سے بنایا گیا ہے جن کا حقیقت سے کوئی تعلق نہیں۔

رپورٹس کے مطابق سابق امریکی صدر کی ممکنہ گرفتاری کے پیش نظر مختلف علاقوں میں پولیس نے متوقع احتجاج سے نمٹنے کی تیاریاں مکمل کرلی ہیں۔

غیر ملکی میڈیا کے مطابق نیویارک میں گرینڈ جیوری کے سامنے ڈونلڈ ٹرمپ کے فحش فلموں کی اداکارہ کو خاموش رہنے کے عوض رقم کی ادائیگی سے متعلق معاملے کی سماعت ہونی ہے۔

امریکا کے تمام صدر اگر پہلوان ہوتے تو!

غیرملکی میڈیا کے مطابق سوشل میڈیا پر امریکی شہری کیم ہارلیس کے اکاؤنٹ سے آرٹیفشل انٹیلیجنس اور فوٹوشاپ کا استعمال کرکے امریکی صدور کو کسی اور شعبے سے وابستہ اور انہیں ایک الگ اور نئی شناخت دی گئی ہے۔

رپورٹس کے مطابق ڈونلڈ ٹرمپ نے گزشتہ دنوں دعویٰ کیا تھا کہ انہیں 2016 میں فحش فلموں کی اداکارہ اسٹورمی ڈینیئلز کو 1 لاکھ ڈالر کی رقم ادائیگی کی تحقیقات کے نتیجے میں منگل کو گرفتار کیا جائے گا۔