فرمان الہی
نماز کے اوقات
مبینہ طور پر خودکشی کرنے والی بھارتی اداکارہ آکانکشا دوبے اپنی جان لینے سے کچھ گھنٹے قبل انسٹاگرام لائیو کے دوران روتی رہیں۔
بھارتی شہر وارانسی کے ایک ہوٹل میں مبینہ طور پر خودکشی کرنے والی بھوجپوری اداکارہ آکانکشا دوبے کو اپنی جان لینے سے چند گھنٹے قبل انسٹاگرام لائیو پر روتے ہوئے دیکھا گیا تھا۔
بھارتی میڈیا رپورٹس کے مطابق 25 سالہ اداکارہ آکانکشا دوبے اپنی آنے والی نئی فلم کے یونٹ کے ساتھ وارانسی کے ہوٹل میں ٹھہری ہوئی تھیں اور فلم کی عکس بندی میں مصروف تھیں۔
اداکارہ کی خودکشی کے بعد متعدد حلقوں کی جانب سے اس خودکشی کے واقعے پر سوالات اٹھائے جا رہے ہیں۔
اداکارہ کے مداحوں اور سوشل میڈیا صارفین کا کہنا ہے کہ یہ خودکشی نہیں بلکہ ایک قتل ہے۔
دوسری جانب بھارتی پولیس نے معاملے کی تحقیقات شروع کر دی ہیں۔
واضح رہے کہ گزشتہ روز بھارتی اداکارہ اپنے ہوٹل کے کمرے میں مردہ حالت میں پائی گئی تھیں۔
اپنی خود کشی سے ایک دن قبل اداکارہ نے انسٹاگرام پر اپنی ایک ڈانس ویڈیو شیئر کی تھی جس میں وہ ایک بھوجپوری گانے پر بیلے ڈانس کرتی نظر آ رہی تھیں۔
