بجرنگی بھائی جان 2 : کرینہ کپور آؤٹ ، پوجا ہیگڑے اِن

27 مارچ ، 2023

بالی ووڈ کی بے بو سلمان خان کی فلم ’ بجرنگی بھائی جان 2‘ سے آوٹ ہوگئی ہیں جبکہ نئی اداکارہ پوجا ہیگڑے اس فلم میں اپنی اداکاری کے جلوے بکھیریں گی۔

بھارتی میڈیا رپورٹس کے مطابق سلمان خان اپنی سُپر ہٹ فلم ’بجرنگی بھائی جان‘ کا سیکوئل’ بجرنگی بھائی جان 2‘ بنانے جارہے ہیں، جس کے حوالے سے خبریں گردش کر رہی ہیں کہ بجرنگی بھائی جان میں مرکزی کردار نبھانے والی اداکارہ کرینہ کپور فلم کے سیکوئل میں نظر نہیں آئیں گی۔

’بجرنگی بھائی جان 2‘ کے حوالے سے یہ خبریں بھی گردش کر رہی ہیں کہ اس فلم کی کاسٹ میں دبنگ خان کی نئی فلم ’کسی کا بھائی کسی کی جان‘ کی ہیروئن پوجا ہیگڑے شامل ہیں۔

اب دیکھنا یہ ہے کہ پوجا ہیگڑے فلم میں کرینہ کپور کی جگہ لے کر مرکزی کردار ادا کریں گی یا پھر انہیں کسی اور کردار میں کاسٹ کیا گیا ہے۔

ڈائریکٹر وجے ندرا پرساد کا بتانا ہے کہ فلم کی کہانی سلمان کو سنائی ہے اور انہیں پسند آئی ہے اب گیند انہی کے کورٹ میں ہے کہ وہ کرینہ کپور کی جگہ پوجا ہیگڑے کو شامل کریں گے یا پھر کرینہ ہی فلم کی ہیروئن ہوں گی۔

یاد رہے کہ سلمان خان اور کرینہ کپور کی جوڑی نے متعدد ہٹ فلمیں دیں جس میں باڈی گارڈ سمیت دیگر شامل ہیں۔

انٹرٹینمنٹ سے مزید