مریم اور رانا ثناء نے آرٹیکل 68 کی خلاف ورزی کی، فواد چوہدری

29 مارچ ، 2023

پاکستان تحریک انصاف کے رہنما فواد چوہدری نے کہا ہے کہ مریم اورنگزیب اور رانا ثناء اللّٰہ نے آرٹیکل 68 کی خلاف ورزی کی، دونوں نے زیر التواء مقدمے پر اثرانداز ہونے کی کوشش کی ہے۔

فواد چوہدری نے اپنے بیان میں کہا کہ مریم اورنگزیب اور رانا ثناء اللّٰہ کو سپریم کورٹ توہین عدالت میں طلب کرسکتی ہے۔

پی ٹی آئی رہنما کا کہنا تھا کہ مریم اورنگزیب اور رانا ثناء کو قانونی طور پر بھی نااہل قرار دیا جائے۔

واضح رہے کہ چیئرمین پی ٹی آئی عمران خان نے وفاقی وزیر داخلہ رانا ثناء کے بیان کیخلاف اسلام آباد ہائیکورٹ میں درخواست دائر کردی ہے۔

عمران خان نے رانا ثناء کے بیان سے متعلق کہا کہ خواہش تو یہی ہے ہم دونوں رہیں لیکن اگر وہ کہہ رہے ہیں ایک ہی رہے گا تو میں یہی کہوں گا وہ نہیں رہیں گے۔

قومی خبریں سے مزید