افغانستان کے کرکٹرز نے پاکستانی کھلاڑیوں کو تحفے میں کیا دیا؟

افغانستان کرکٹ ٹیم نے حال ہی میں کھیلی گئی ٹی ٹوئنٹی سیریز میں پاکستان کو شکست دی تھی۔

پاکستان کرکٹ بورڈ نے اپنے آفیشل ٹوئٹر اکاؤنٹ پر ایک ویڈیو شیئر کی جس میں پاکستان اور افغانستان کے کھلاڑی ٹی ٹوئنٹی سیریز ختم ہونے کے بعد ایک دوسرے سے باتیں کر رہے ہیں۔

ویڈیو میں دیکھا جا سکتا ہے کہ افغانستان کے کھلاڑی پاکستان کے پلیئرز کو کوئی چیز دے رہے ہیں۔

اس حوالے سے افغانستان کرکٹ بورڈ نے ایک ٹوئٹ کیا ہے اور لکھا کہ افغانستان کے کھلاڑیوں نے پاکستان کے پلیئرز کو افغانستان کی مشہور زعفرانی چائے تحفے میں دی ہے۔

واضح رہے کہ تین ٹی ٹوئنٹی میچز کی سیریز میں افغانستان نے پاکستان کو دو ایک سے شکست دی تھی۔

سیریز کے ابتدائی دونوں میچز افغانستان کی ٹیم کے نام رہے تھے جبکہ تیسرا میچ پاکستان نے جیتا تھا۔