فرمان الہی
نماز کے اوقات
لاہور ( این این آئی)پی ٹی آئی رہنما اسد عمر نے کہا کہ عمران خان عیدالفطر کے بعد انتخابی جلسوں کا آغاز کریں گے۔تفصیلات کے مطابق تحریک انصاف کے چیئرمین و سابق وزیر اعظم عمران خان کی زیر صدارت اجلاس میں پی ٹی آئی کی طرف سے عید الفطر کے بعد انتخابی جلسوں کے آغاز کا اعلان کر دیا گیاجبکہ پنجاب میں انتخابات کے لئے امیدواروں کے انٹرویوزبھی آج جمعرات سے شروع کرنے کا فیصلہ کر لیا گیا ۔چیئرمین پی ٹی آئی کی زیر صدارت سینئر رہنمائوں کا مشاورتی اجلاس ہوا جس میں ملکی مجموعی سیاسی صورتحال پر مشاورت کی گئی، اجلاس میں پی ٹی آئی کے انتخابی جلسوں کے شیڈول پر تفصیلی مشاورت کی گئی۔
