فرمان الہی
نماز کے اوقات
پاکستان پیپلز پارٹی (پی پی پی) کے چیئرمین و وزیر خارجہ بلاول بھٹو زرداری مولانا فضل الرحمان کے آبائی گاؤں عبدالخیل پہنچ گئے۔
ذرائع کا کہنا ہے کہ بلاول بھٹو فضل الرحمان کو پی ٹی آئی سے مذاکرات پر قائل کرنےکی کوشش کریں گے۔
گزشتہ روز اتحادیوں کی ملاقات میں فضل الرحمان نے پی ٹی آئی سے مذاکرات کی سخت مخالفت کی تھی، اکثر اتحادیوں نے بلاول بھٹو زرداری کی تجویز کو بہتر سمجھا ہے۔
ذرائع کا کہنا ہے کہ بلاول بھٹو زرداری کے ہمراہ قمر زمان کائرہ اور فیصل کریم کنڈی بھی موجود ہیں۔
بلاول بھٹو زرداری نے مفتی عبدالشکور کے جنت میں بلندی درجات کیلئے فاتحہ خوانی اور ان کے لواحقین کیلئے صبر جمیل کی دعا بھی کی۔
فضل الرحمان نے کہا کہ مفتی عبدالشکور جمعیت علماء اسلام کا ایک قیمتی اثاثہ تھے۔
بلاول بھٹو زرداری نے کہا کہ مفتی عبدالشکور کی ناگہانی موت کا دلی طور پر صدمہ ہوا۔
یاد رہے کہ گزشتہ دنوں پریس کانفرنس کے دوران جمعیت علماء اسلام کے سربراہ مولانا فضل الرحمان نے عمران خان سے بات چیت کا امکان مسترد کر دیا تھا۔
مولانا فضل الرحمان کا کہنا تھا کہ پاکستانی سیاست اتنی گری نہیں کہ ہم عمران خان سے مذاکرات کریں۔
