فرمان الہی
نماز کے اوقات
ٹھٹھہ میں چلیا کے مقام پر ٹرک اور وین کے تصادم میں کراچی سے تعلق رکھنے والے 9 افراد جاں بحق ہوگئے۔
پولیس کے مطابق جاں بحق افراد کا تعلق قذافی ٹاؤن کراچی سے ہے اور وہ پکنک منانے کے لیے کینجھر جھیل جارہے تھے۔
حادثے کے بعد جاں بحق افراد کی لاشیں سول اسپتال مکلی منتقل کی گئیں اور بعد ازاں 6 افراد کی میتیں کراچی میں ورثا کے حوالے کردی گئی، جبکہ 3 کی شناخت نہ ہونے کے باعث انہیں سرد خانے منتقل کر دیا گیا۔
پولیس کا کہنا ہے کہ جاں بحق افراد آپس میں دوست اور قذافی ٹاؤن کراچی کے رہائشی تھے۔
پولیس کے مطابق حادثے کے بعد ٹرک ڈرائیور موقع سے فرار ہو گیا۔
گورنر سندھ نے واقعے کا نوٹس لیتے ہوئے کمشنر حیدرآباد سے واقعے کی رپورٹ طلب کر لی ہے۔
