فرمان الہی
نماز کے اوقات
لاہور(مانیٹرنگ ڈیسک) لاہور کے علاقے سندر میں عید کے روز جیولری شاپ میں چور تین کلو سونا اور 32 لاکھ لے اڑے۔ لاہور میں سندر کی نجی سوسائٹی میں واقع جیولر شاپ پر چوری کی فوٹیج میں دیکھا جاسکتا ہے کہ چور نقب لگا کر دکان میں داخل ہوتا ہے، اسے سونااور نقدی لوٹنے کے لیے گرائینڈر استعمال کرتے بھی دیکھا جاسکتا ہے۔ عید کے پہلے روز شاپ سے 4 کروڑ 76 لاکھ مالیت کا سونا اور 32 لاکھ روپے لوٹے گئے تھے جس کا مقدمہ درج کرلیا گیا ہے تاہم فوٹیج ملنے کے باوجود چور کا تاحال سراغ نہیں لگایا جاسکا۔ دوسری جانب راولپنڈی میں عید پرآبائی علاقوں کو جانے والوں کے گھروں میں چوری کی وارداتیں ہوئی ہیں۔ تھانہ ائیرپورٹ کے علاقے گلزار قائد میں گھر سے 15 تولے سونا اور قیمتی گھڑیاں چوری کی گئیں جبکہ اڈیالہ روڈ پر گھر سے سونا اور نقدی چوری کی گئی۔ منگٹال چوک میں چاند رات کو دکان میں ڈکیتی کی ویڈیو سامنے آگئی، ڈاکو 60 ہزار روپے لوٹ کرفرار ہوگیا جبکہ نیوچاکرہ روڈ پر چور عید کے دن گھر کے تالے توڑ کر10 تولا سونے کے زیورات اور نقد رقم لے اڑے۔
