ایلون مسک کے واٹس ایپ کو ناقابل بھروسہ قرار دینے پر واٹس ایپ کا ردعمل

مائیکرو بلاگنگ پلیٹ فارم ٹوئٹر اور ٹیکنالوجی کمپنی ٹیسلا کے سی ای او ایلون مسک کی جانب سے واٹس ایپ کو ناقابل بھروسہ قرار دیئے جانے کے بعد واٹس ایپ کا ردعمل بھی سامنے آگیا۔

غیر ملکی میڈیا رپورٹس کے مطابق ٹوئٹر کے انجینئر ’فواد دبیری‘ کی جانب سے کئے گئے تمام دعووں کو واٹس ایپ کی جانب سے مسترد کر دیا۔

واٹس ایپ کے جاری کردہ بیان کے مطابق ’صارفین کو اپنے مائیک کی مکمل سیٹنگز کا اختیار حاصل ہے، اس حوالے سے گوگل بھی تحقیقات کر رہا ہے‘۔

واٹس ایپ نے مزید کہا کہ ’واٹس ایپ مائیک تک رسائی حاصل کرنے کے بعد اسے صرف اس وقت استعمال کرتا ہے جب صارف کال، وائس نوٹ یا ویڈیو ریکارڈ کر رہا ہے اور وہ بھی اینڈ ٹو اینڈ انکرپشن کے ذریعے محفوظ ہیں لہذا واٹس ایپ انہیں سن نہیں سکتا‘۔

تاہم، کمنٹس میں تبصرہ کرتے ہوئے کئی صارفین نے اسی طرح کے مسائل کا سامنا کرنے کا دعویٰ کیا ہے۔